Hámark kaldhæðninar?

 

Ágætis punktar hjá kallinum. Fyndið samt að þessi maður af öllum skuli vera að tjá sig um þetta málefni. Hann var líklega einn helsti talsmaður Íslensku útrásarinnar sbr. viðtal í Íslandi í dag hér um árið (sbr. http://www.youtube.com/watch?v=AoD8umlAOFs) en talar núna um ábyrgðarlausa bankamenn og að ekki eigi að borga undir þá! Þetta er sami maðurinn og sagði í téðu viðtali að snilldin hafi verið að lífga við dautt fjármagn sem lá bara þarna hjá ríkinu (sem Sjálfstæðisflokkurinn afhenti svo sínum einkavinum) og veðsetja það til að búa til meira fjármagn (sem var þá líklega hægt að gefa fleiri einkavinum) og veðsetja það svo líka! Mér er spurn: Ef snilld fyrri ríkisstjórnar fólst í því að lífga við þetta fjármagn, hver ber þá ábyrgð á því að slátra því aftur? voru það ekki þessir sömu mektarmenn sem Hannes hefur mært svo mikið í gegnum tíðina. Menn sem eru meira og minna tengdir Sjálfstæðisflokknum? En batnandi manni er best að lifa. Hannes hefur klárlega snúið frá fyrri skoðun og ákveðið að snúa baki við þessum mönnum sem hann hafði svo mikið álit á fyrir aðeins 3 árum síðan. 

Er þetta ekki hámark kaldhæðninar?

Sé kæruleysi verðlaunað fyllist allt af kærulausu fólki

Athugasemdir

[Arnþór L. Arnarson, 8.3.2010 kl. 10:53]

Allt það sem Hannes Hólmsteinn segir er fyrir mér dautt og ómerkt. Jafnvel fíflum getur ratast rétt orð á munn, og jafnvel Hannes getur sagt satt. En hann er samt sem áður ómerkingur og mun vera það til dauðadags í mínum huga.